मंगलवार, १८ मंसिर, २०८१
मंगलवार, १८ मंसिर, २०८१
राष्ट्रिय सन्देश संबाददाता, शनिबार, २६ जेष्ठ, २०८१
पाल्पा, जेठ २६ । पाल्पाको तिनाउ खोलामा डुबेर शनिबार एक जना भारतीय नागरिकको मृत्यु भएको छ। भारतको कानपुर जिल्लाका ३५ वर्षीय फहिम अहमदको नुहाउने क्रममा खोलामा डुबेर मृत्यु भएको हो ।
पाल्पाको तिनाउ गाउँपालिका -३ झुम्सास्थित तिनाउ खोलामा शनिबार दिउँसो गएका अहमद पानीमा डुबेपछि उनीसँगै गएका दुई जना साथीले उद्धार गरी लुम्बिनी प्रादेशिक अस्पताल पुर्याएको पाल्पा प्रहरीले जनाएको छ । ३५ वर्षीय अहमदको उपचारको क्रममा अस्पतालका चिकित्सकले उनलाई मृत घोषणा गरेको जिल्ला प्रहरी कार्यालय पाल्पाले जनाएको छ ।
जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठका अनुसार घटनाबारे अनुसन्धान भइरहेको छ ।
