मंगलवार, १८ मंसिर, २०८१
मंगलवार, १८ मंसिर, २०८१
राष्ट्रिय सन्देश संबाददाता, बुधबार, २२ कार्तिक, २०८०
काठमाडौंक। नेप्से परिसूचक बुधबार लगातार तेस्रो दिन ५ दशमलव १७ अंकले बढेर १८६३ दशमलव ९४ अंकमा पुगेको छ । उकालो लागे पनि कारोबार रकम कमजोर रहँदा २८८ वटा शेयरको ३० हजार ३६४ कारोवार गरी ७८ करोड २७ लाख ४३ हजार रुपैयाँ बराबरको ३१ लाख ५७ हजार कित्ता कारोबार भएको छ ।
ग्लोबल आइएमई माइक्रोफाइनान्सको सेयर मूल्यमा सबैभन्दा बढी ८.०७ प्रतिशतले वृद्धि भएको छ भने पीपुल्स हाइड्रोपावर कम्पनी र नेपाल एसबिआई बैंकको ७ प्रतिशतभन्दा बढीले बढेको छ । कर्पोरेट डेभलपमेन्ट बैंकको शेयर सबैभन्दा बढी ६.३८ प्रतिशतले घटेको छ भने नयाँ सूचीकृत सामलिङ पावर कम्पनीको सेयर ५.५ प्रतिशतभन्दा बढीले घटेको छ ।
सोनापुर मिनरल्स एन्ड आयलको सबैभन्दा बढी कारोबार भएको थियो, जसमा रु ५ करोड ६१ लाखको शेयर कारोबार भएको थियो भने हिमालयन बैंकको ५ करोड संस्थापक सेयर खरिद–बिक्री भएको थियो । समग्रमा शेयरको मूल्यमा सकारात्मक प्रवृत्ति देखिए पनि कारोबार रकम भने न्यून रह्यो।
