बुधबार, १३ श्रावण, २०८३
बुधबार, १३ श्रावण, २०८३
राष्ट्रिय सन्देश संबाददाता, ११ घण्टा पहिले
२०८३ साउन १२, काठमाडौँ। नेपाली कांग्रेसका वरिष्ठ नेता गोपालमान श्रेष्ठको निधन भएको छ ।
श्रेष्ठको मंगलबार जावलाखेलस्थित हेलिअस अस्पतालमा उपचारका क्रममा निधन भएको गण्डकी प्रदेशका पूर्वमन्त्री मेखलाल श्रेष्ठले जानकारी दिएका छन् ।
पूर्वमन्त्री श्रेष्ठका अनुसार दिवंगत नेताको पार्थिव शरीर बुधबार बिहान ८ बजेदेखि ११ बजेसम्म नेपाली काँग्रेसको केन्द्रीय कार्यालयमा श्रद्धाञ्जलीका लागि राखिनेछ । त्यसपछि श्रद्धाञ्जलीसहितको शवयात्रा पशुपति आर्यघाट लगेर अन्त्येष्टि गरिने जनाइएको छ ।
काँग्रेस सभापति गगन थापाले गत साउन ७ गते गोपालमान श्रेष्ठलाई पार्टीको वरिष्ठ नेताका रूपमा मनोनयन गरिएको घोषणा गरेका थिए ।
लामो समय नेपाली काँग्रेसको राजनीतिमा सक्रिय रहेका श्रेष्ठले विभिन्न राजनीतिक तथा सरकारी जिम्मेवारी सम्हालेका थिए ।
