मंगलवार, १८ चैत्र, २०८१
मंगलवार, १८ चैत्र, २०८१
राष्ट्रिय सन्देश संबाददाता, सोमबार, १० चैत्र, २०८१
११ चैत २०८१, काठमाडौं । प्रमुख तीन दलका शीर्ष नेताबीच संमणकालीन न्याय (टीआरसी) टुंग्याउने विषयमा दुई आयोग गठन गर्ने सहमति भएको छ । आज सिंहदबारमा बसेको शीर्ष नेताहरूको बैठकले संक्रमणकालीन न्याय निरुपणको काम टुंग्याउने विषयमा उक्त सहमति गरेको हो ।
प्रधानमन्त्री तथा मन्त्रिपरिषद्को कार्यालय सिंहदरबारमा प्रधानमन्त्री समेत रहेका एमाले अध्यक्ष केपी शर्मा ओली, काँग्रेस सभापति शेरबहादुर देउवा र प्रमुख प्रतिपक्षी दल नेकपा (माओवादी केन्द्र) का अध्यक्ष पुष्पकमल दाहाल प्रचण्डबीच छलफल भएको हो ।
प्रधानमन्त्रीका सल्लाहकार अग्नि खरेलले भने ‘’तीन दलको छलफलमा शान्ति प्रक्रियाको बाँकी काम अगाडि बढाउन बेपत्ता पारिएका व्यक्ति छानबिन समिति तथा सत्य निरूपण तथा मेलमिलापक आयोग ऐन २०७१ को दफा ३ को उपदफा ३ बमोजिक आयोगकको अध्यक्ष नियुक्ति गठन प्रक्रिया अघि बढाउने सहमति भएको छ । त्यसका लागि आयोग गठन गर्नका लागि सर्च कमिटी बनाउन तीनजनै शीर्ष नेता सहमत भएको छ उनले भने।
तीन शीर्ष नेताबाहेक गृहमन्त्री रमेश लेखक, माओवादी नेता शक्ति बस्नेत, खिमलाल देवकोटा, प्रधानमन्त्रीका विज्ञ सल्लाहकार अग्नि खरेल पनि छलफलमा सहभागी थिए ।
