बिहीबार, २१ श्रावण, २०८३
बिहीबार, २१ श्रावण, २०८३
राष्ट्रिय सन्देश संबाददाता, १३ घण्टा पहिले
२०८३ साउन २०, काठमाडौँ । नेपाली कांग्रेसले सुनसरीको देवानगञ्ज-कप्तानगञ्जमा घटेको घटनाको निष्पक्ष, स्वतन्त्र र पत्यारिलो छानबिनका लागि उच्चस्तरीय न्यायिक आयोग गठन गर्न सरकारसँग जोडदार माग गरेको छ ।
बुधबार सानेपास्थित पार्टी केन्द्रीय कार्यालयमा आयोजित पत्रकार सम्मेलनमा प्रवक्ता देवराज चालिसेले सरकारले हाल गठन गरेको छानबिन समितिले आफ्ना कमजोरी लुकाउने नियत राखेको संशय उब्जिएकाले न्यायिक आयोग नै आवश्यक रहेको बताए ।
देवानगञ्ज-कप्तानगञ्ज घटनामा सरकारी संयमता र जवाफदेहीताको गम्भीर अभाव देखिएको उल्लेख गर्दै कांग्रेसले सुशासन, पारदर्शिता र जवाफदेहीता कायम गर्न वर्तमान सरकार पूर्ण रूपमा असफल भएको आरोप लगाएको छ। साथै, आगामी भदौ २३ र २४ गतेको आन्दोलनका सन्दर्भमा पनि सर्वस्वीकार्य आयोगको अभावले सरकारको नैतिक असफलतालाई उजागर गरेको प्रवक्ता चालिसेले दाबी गरे ।
