मंगलवार, १७ असार, २०८२
मंगलवार, १७ असार, २०८२
राष्ट्रिय सन्देश संबाददाता, शुक्रबार, ९ कार्तिक, २०८१
काठमाडौं, कार्तिक ९ । सरकारले ललितपुर, रुपन्देही लगायत १७ जिल्लाका प्रमुख जिल्ला अधिकारीहरु केही सहायक प्रमुख जिल्ला अधिकारीहरु हेरफेर गरेको छ । सरकारले प्रजिअसहित सहसचिव र उपसचिवलाई पनि सरूवा गरेको छ ।
गृह मन्त्रालयले ललितपुरका प्रमुख जिल्ला अधिकारी तुल्सी बहादुर श्रेष्ठको गृहमन्त्रालयमा सरुवा गरेर उक्त ठाउँमा मन्त्रालयका सहसचिव रमेश ढकाललाई पठाइएको छ।
यस्तै जिल्ला प्रशासन कार्यालय रुपन्देहीका प्रमुख जिल्ला अधिकारी गणेश अर्याललाई जिल्ला प्रशासन कार्यालय पर्सामा सरुवा गरेर त्यहाँ बासुदेव घिमिरेलाई पठाएको छ ।गहृमन्त्रालयले सहसचिव तथा उपसचिव स्तरका कुल २७ जना कर्मचारीहरुको सरुवा गरेको हो ।
जसमा विभिन्न जिल्ला प्रशासन कार्यालय र इलका प्रशासन कार्यालयहरुमा कार्यारत उपसचिव तथा सहायक प्रमुख जिल्ला अधिकारीहरुको सरुवा समेत भएको छ ।
