मंगलवार, २० आश्विन, २०८३
मंगलवार, २० आश्विन, २०८३
राष्ट्रिय सन्देश संबाददाता, १८ घण्टा पहिले
२०८३ असोज १९ बागलुङ । निसीखोला गाउँपालिका–३ बोहरागाउँमा सडक निर्माणका क्रममा पहिरो खस्दा दुई जना मजदुरको मृत्यु भएको छ भने एक जना गम्भीर घाइते भएका छन् ।
पहिरोमा परी सल्यानका २८ वर्षीय लालबहादुर बुढाथोकी र उदयपुरको गाईघाटका ३२ वर्षीय राजु थापाको मृत्यु भएको वडा अध्यक्ष रमेशविक्रम शाहीले जानकारी दिए । सोमबार बिहान करिब ७ः३० बजे काप्रा–बोहरागाउँ–छापाखानी–प्युठान सडकखण्ड निर्माणका क्रममा काम गरिरहेका मजदुरमाथि अचानक पहिरो खसेको थियो । पहिरोमा पुरिएर बुढाथोकी र थापाको घटनास्थलमै मृत्यु भएको वडा अध्यक्ष शाहीले बताए ।
घटनामा रोल्पाका कृष्ण घर्तीमगर गम्भीर घाइते हुनुभएको छ। उहाँलाई थप उपचारका लागि प्रादेशिक अस्पताल बुर्तिबाङ लगिएको वडा अध्यक्ष शाहीले जानकारी दिए ।
सडक निर्माणका क्रममा काम गरिरहेका मजदुरमाथि पहिरो खसेपछि घटना भएको हो । घटनाको थप विवरण आउन बाँकी रहेको प्रहरीले जनाएको छ ।
