सोमबार, ११ कार्तिक, २०८२
सोमबार, ११ कार्तिक, २०८२
राष्ट्रिय सन्देश संबाददाता, शुक्रबार, १ कार्तिक, २०८२
२०८२ असोज ३१, काठमाडौँ । ओमानमा जारी आईसीसी टी–२० विश्वकप अन्तर्गत सुपर सिक्सको अन्तिम खेलमा नेपालले सामोआलाई २१२ रनको विशाल लक्ष्य दिएको छ । ओमानमा जारी खेलमा टस जितेर पहिले ब्याटिङ गरेको नेपालले निर्धारित २० ओभरमा ४ विकेट गुमाएर दुई सय ११ रन बनाएको हो।
नेपालका लागि आसिफ शेख र दीपेन्द्र सिंह ऐरीले अर्धसतक बनाए। आसिफले ६९ तथा ऐरीले ५३ रन बनाए। यस्तै लोकेश बमले आक्रामक ब्याटिङ गर्दै १२ बलमा ३९ रन बनाए भने कप्तान रोहित पौडेलले २१ रन बनाए।
दुवै टिमले प्रतियोगिताको आफ्नो अन्तिम खेल खेल्दैछन् भने नेपाल अहिलेसम्म अपराजित छ। समूह चरणमा जापान र कतारलाई पराजित गर्दै शीर्ष ६ मा पुगेको नेपाल अंक तालिकामा ८ अंकसहित शीर्ष स्थानमा छ।आज नेपालले सामोआलाई पराजित गरेको खण्डमा भने नेपाल च्याम्पियन बन्नेछ।
