बिहीबार, २९ फाल्गुन, २०८१
बिहीबार, २९ फाल्गुन, २०८१
राष्ट्रिय सन्देश संबाददाता, बुधबार, १० पुष, २०८१
काठमाडौँ। नेपालका जीवन बीमा कम्पनीहरूले चालु आर्थिक वर्षको पहिलो पाँच महिना (साउनदेखि मंसिरसम्म) रु ६५ अर्बभन्दा बढी प्रिमियम सङ्कलन गरेका छन् ।
कुल ६५ अर्ब ७४ करोड रुपैयाँमध्ये १२ अर्ब ४७ करोड रुपैयाँ पहिलो पटकको प्रिमियमबाट, १ अर्ब १८ करोड रुपैयाँ वैदेशिक रोजगार बीमाबाट र ५२ अर्ब ८ करोड रुपैयाँ नवीकरण प्रिमियमबाट आएको हो ।
प्रमुख सङ्कलनकर्तामा नेपाल लाइफ इन्स्योरेन्सले १८ अर्ब ७६ करोड, लाइफ इन्स्योरेन्स कर्पोरेशन (नेपाल) ७ अर्ब ६६ करोड र नेशनल लाइफ इन्स्योरेन्सले ७ अर्ब ९८ करोड रहेका छन् । धेरै अन्य कम्पनीहरूले पनि उल्लेखनीय संकलन रिपोर्ट गरेका छन्।
