बिहीबार, २८ फाल्गुन, २०८२
बिहीबार, २८ फाल्गुन, २०८२
राष्ट्रिय सन्देश संबाददाता, आईतवार, २४ फाल्गुन, २०८२
२०८२ फागुन २४, काठमाडौँ । भदौ २३ र २४ भएको जेनजी आन्दोलनको प्रतिवेदन आज बुझाइने भएको छ । पूर्व न्यायाधीश गौरीबहादुर कार्कीको अध्यक्षतामा बनेको आयोगले आइतबार बिहान ११ बजे प्रतिवेदन बुझाउन लागेको प्रधानमन्त्री सुशीला कार्कीका प्रेस सल्लाहकार राम रावलले जानकारी दिए ।
उक्त आयोगको समयावधि पनि आइतबार नै सकिँदैछ । जेनजी आन्दोलनको छानबिन गर्नका लागि अन्तरिम सरकारकी प्रधानमन्त्री सुशीला कार्की नेतृत्वको मन्त्रिपरिषदले असोज ५ गते उक्त आयोग गठन गर्ने निर्णय गरेको थियो ।
तर त्यसयता उक्त आयोगले जाँचबुझ सकाएको थिएन । यो प्रतिवेदन चुनाव अगावै सार्वजनिक गर्न जेनजी प्रतिनिधि तथा राजनीतिक दलका नेताहरूले माग गर्दै आएका थिए ।
काम नसकिएको बताउँदै आयोगलाई फागुन २४ गतेसम्मका लागि म्याद दिइएको थियो । आयोगको प्रतिवेदन आज बुझेपछि अब बस्ने मन्त्रपरिषदको बैठकले सार्वजानिक गर्नेबारे निर्णय गर्ने बताइएको छ ।
