बिहीबार, ३२ असार, २०८३
बिहीबार, ३२ असार, २०८३
राष्ट्रिय सन्देश संबाददाता, २ घण्टा पहिले
२०८३ असार ३२, काठमाडौँ । सम्पत्ति शुद्धीकरण अनुसन्धान विभागले पूर्वअर्थमन्त्री एवं नेकपा (एमाले) का उपाध्यक्ष विष्णु पौडेलसहित १६ जना विरुद्ध विशेष अदालतमा मुद्दा दायर गरेको छ ।
व्यवसायी दीपक भट्टको सम्पत्ति शुद्धीकरणसम्बन्धी कार्यमा मतियारको भूमिका खेलेको आरोपमा उनीहरूविरुद्ध मुद्दा चलाइएको हो ।
विशेष अदालतका अनुसार, पौडेलमाथि २० करोड ९० लाख रुपैयाँ बराबरको सम्पत्ति शुद्धीकरण गरेको अभियोग लगाइएको छ । विभागले दाबी गरेको उक्त बिगोका अतिरिक्त पौडेलको बैंक खातामा रहेको ६ लाख ३४ हजार रुपैयाँ समेत जफत गर्न माग गरेको छ ।
पूरक आरोप पत्रमा विष्णुप्रसाद पौडेलको हकमा २० करोड ५० लाख रुपैयाँ बिगो कायम गरिएको छ । साथै, उनको एभरेस्ट बैंक लिमिटेडमा रहेको खातामा मौज्दात ६ लाख ३४ हजार ४४१ रुपैयाँ ५४ पैसा जफत गर्न माग दाबी गरिएको विशेष अदालतको सूचनामा उल्लेख छ।
उक्त मुद्दामा दीपक भट्टसहित अन्य व्यक्ति र कम्पनीलाई समेत प्रतिवादी बनाइएको छ। थप अनुसन्धानबाट प्राप्त विवरणका आधारमा कानुनी प्रक्रिया अघि बढाइएको विभागले जनाएको छ ।
