आईतवार, १४ असार, २०८३
आईतवार, १४ असार, २०८३
राष्ट्रिय सन्देश संबाददाता, १ घण्टा पहिले
२०८३ असार १४, काठमाडौं । नेकपा (एमाले) का अध्यक्ष केपी शर्मा ओलीले प्रधानमन्त्री बालेन शाहले प्रतिनिधि सभा बैठकमा नेपालले भारतको भूमि मिचेको भनेर दिएको विवादित अभिव्यक्तिप्रति आपत्ति जनाएका छन् ।
जननेता मदन भण्डारीको ७५ औँ जन्मजयन्तीको अवसरमा आयोजित कार्यक्रमलाई सम्बोधन गर्दै अध्यक्ष ओलीले प्रधानमन्त्रीले देश विरोधी कुरा गरेको बताएका हुन् ।
चितवनमा गएर लिपुलेक र कालापानी हाम्रै हो भनेर प्रधानमन्त्रीको अभिव्यक्ति खण्डन नहुने उनले स्पष्ट पारे ।
‘हामीले छिमेकी भारतको सिमाना थुप्रै ठाउँमा मिच्यौं अरे, कति झुट । कति निराधार कुरो। कति देश विरोधी कुरो,’ उनले भने, ‘अस्ति चितवनमा गएर लिपुलेक र कालापानी हाम्रै हो भनेपछि हामीले थुप्रै ठाउँमा सीमा मिचेका छौं भन्ने अभिव्यक्तिको खण्डन भयो भन्ने विद्वानहरू फेरि निस्किए । कहाँ खण्डन भयो ।
अगाडि ओलीले भने ‘’लिपुलेक र कालापानी नेपालको हो भन्नेमा संसदमा विवाद भएको होइन। नेपालले थुप्रै ठाउँमा सीमा मिचेको छ भन्ने कुरामा विवाद भएको हो । जुन कुरा खण्डन गरेको छैन । अर्को मन्त्रीले जबाफ दिएर खण्डन भएन ।’
