बिहीबार, २८ फाल्गुन, २०८२
बिहीबार, २८ फाल्गुन, २०८२
राष्ट्रिय सन्देश संबाददाता, सोमबार, ४ फाल्गुन, २०८२
२०८२ फागुन ०४, काठमाडौं । सोमबार समूह सी को खेलमा इटालीमाथि २४ रनको कठिन जित हासिल गर्दै इङ्ल्यान्डले आइसिसी टी-२० विश्वकपको सुपर एटमा आफ्नो स्थान सुरक्षित गरेको छ । वेस्ट इन्डिज पनि समूहबाट अगाडि बढेको छ।
पहिले ब्याटिङ गर्दै, इङ्ल्यान्डले विल ज्याक्सको २२ बलमा अविजित ५३ रनको मद्दतले २०२/७ बनाएको छ । टम ब्यान्टनले ३० र साम कुरानले २५ रन जोडेका छन्।जवाफमा, बेन मानेट्टीले २५ बलमा द्रुत ६० र ग्रान्ट स्टीवर्टले २३ रनमा ४५ रन बनाए पनि इटाली १७८ रनमा अलआउट भएको छ ।
इङ्ल्यान्ड र वेस्ट इन्डिजले छ-छ अंकका साथ खेल सकेका छन् भने स्कटल्याण्ड र इटालीले दुई-दुई अंक बनाएका छन् । नेपालले अझै खाता खोल्न नसकेकोले नेपाल, स्कटल्यान्ड र इटाली समूह चरणबाट बाहिरिएका छन् ।
