बिहीबार, २० चैत्र, २०८१
बिहीबार, २० चैत्र, २०८१
राष्ट्रिय सन्देश संबाददाता, सोमबार, २९ माघ, २०८०
काठमाडौँ — क्यानडाविरुद्धको तेस्रो तथा अन्तिम एकदिवसीय अन्तर्राष्ट्रिय क्रिकेट खेलमा अनिल शाह र भीम सार्कीको शतकमा नेपालले क्यानडालाइ ९ विकेटले जितेको छ । २ सय ३३ रनको लक्ष्य नेपालले ४४.३ ओभरमा २ सय ३४ रन बनाएर पुरा गर्दै शृंखला ३–० ले ‘क्लिन स्विप’ गरेको हो ।
कुशल भुर्तेल १३ रन बनाई पाँचौं ओभरमा आउट भएपछि अनिल र भिमको जोडिले क्यानडाविरुद्ध राम्रो संग ब्याटिङ गरेका थिए ।अनिल १ सय १२ र भिम १ सय १ रन बनाई अविजित रहे । त्रिवि क्रिकेट मैदान कीर्तिपुरमा अनिलले १ सय २४ बल खेली १२ चौका र २ छक्का तथा भिमले १ सय २९ बल खेली ११ चौका र १ छक्का प्रहार गरेका थिए । यी दुईले दोस्रो विकेटमा १ सय ८९ रनको साझेदारी गरेका थिए, जुन नेपालको एकदिवसीय अन्तर्राष्ट्रियमा सबैभन्दा ठुलो साझेदारी रहेको छ ।
यसअघि नेपालले टस जितेपछि ब्याटिङको निम्तो पाएको क्यानडाले निर्धारित ५० ओभर खेलि ८ विकेट गुमाई २ सय ३२ रन बनाएको थियो ।
