बिहीबार, २० चैत्र, २०८१
बिहीबार, २० चैत्र, २०८१
राष्ट्रिय सन्देश संबाददाता, बुधबार, ९ श्रावण, २०८१
काठमाडौं, साउन ९ । एसिसी महिला एसिया कप २०२४ अन्तर्गत समूह चरणको अन्तिम खेलमा भारतले नेपाललाई ८२ रनले पराजित गरेको छ ।
श्रीलंकाको राङगिरी डम्बुला अन्तर्राष्ट्रिय रंगशालामा खेलमा भारतविरुद्ध ८२ रनले पराजित भएसँगै प्रतियोगिताबाट बाहिरिएको हो ।
श्रीलंकाको दाम्बुलामा अन्तर्राष्ट्रिय क्रिकेट रंगशालामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै एक सय ७८ रनको योगफल बनाएको थियो। भारतका लागि ओपनर शफाली वर्माले सर्वाधिक ८१ रनको योगदान दिइन्। उनले ४८ बलमा १२ चौका र एक छक्कासहित ८१ रन बनाइन ।
नेपालकी ब्याटिङ ओपनर सीता रानामगरले २२ बलमा ३ चौकासहित सर्वाधिक १८ रन बनाइन । कप्तान इन्दु बर्माले १८ बलमा २ चौकासहित १४ र रुबिना क्षेत्रीले १६ बलमा २ चौका र १ छक्कासहित १५ रन बनाउँदा विन्दु रावल १९ बलमा २ चौकासहित १७ रनमा नट आउट भइन ।
नेपालका लागि ब्याटिङतर्फ सम्झना खड्का ७, कविता कुँवर ६, डली भट्ट ५, पूजा महतो २, र काजोल श्रेष्ठले ३ रन बनाइन। भारतका लागि दिप्ती शर्माले ३, अरुणधिता रेड्डी २, राधा यादव २/२ रेनुका सिंहले १ विकेट लिइन ।
जीतका लागि एक सय ७९ रनको लक्ष्य पछ्याएको नेपालले निर्धारित २० ओभरमा ९ विकेट गुमाएर मात्र ९६ रन बनायो। नेपालका लागि सिता राना मगरले १८, बिन्दु रावलले १७, रुबिना क्षेत्रीले १५ तथा कप्तान इन्दु बर्माले १४ रन बनाए। अन्य ब्याटरले दोहोरो रन बनाउन सकेनन्। भारतका लागि दिप्ती शर्माले ३ तथा अरुन्धाती रेड्डी र राधा यादवले २ २ विकेट लिइन।
नेपालले मंगलबार भारतसँगको तेस्रो खेलमा पनि पराजय ब्यहोर्दै प्रतियोगिताबाट बाहिरिएको हो ।
