बिहीबार, २० चैत्र, २०८१
बिहीबार, २० चैत्र, २०८१
राष्ट्रिय सन्देश संबाददाता, आईतवार, ३ मंसिर, २०८०
काठमाडौँ। एकदिवसीय विश्वकप २०२३ को फाइनलमा अस्ट्रेलियाका कप्तान प्याट कमिन्सले टस जितेर पहिले बलिङ गर्ने निर्णय गरेका छन् । फाइनलअघि अहमदाबादको नरेन्द्र मोदी स्टेडियममा भएको यस प्रतियोगितामा चार खेल खेलिएका थिए। पछि ब्याटिङ गरेको टोलीले ३ जित निकालेको छ ।
भारतीय कप्तान रोहित शर्माले टस जितेको भए पहिले ब्याटिङ गर्ने निर्णय गर्ने बताएका थिए । अर्थात् दुवै कप्तानको इच्छा पूरा भयो । यस प्रतियोगितामा रोहितले ६ पटक टस जितेर तीन पटक ब्याटिङ र तीन पटक बलिङ गर्ने निर्णय गरेका थिए। भारतले हरेक खेल जितेको छ ।
2011 यता फाइनलमा लक्ष्य पछ्याउने टोलीले लगातार तीन पटक उपाधि जितेको छ, यद्यपि तीनै पटक टस जित्ने टोलीले हार बेहोरेको छ।फाइनलका लागि दुवै टोलीमा कुनै परिवर्तन गरिएको छैन
फाइनल खेलका लागि दुवै टोलीमा कुनै परिवर्तन भएको छैन । दुवैले सेमिफाइनलका लागि प्लेइङ इलेभेन मैदानमा उत्रेका छन् । कुलदीप र जडेजा भारतीय टोलीमा २ विशेषज्ञ स्पिन विकल्प हुन्, जबकि सिराज, शमी र बुमराहले पेस आक्रमणको नेतृत्व गर्नेछन्।
अर्कोतर्फ, अष्ट्रेलियाको क्याम्पमा एडम जाम्पा विशेषज्ञ स्पिनरका रूपमा छन् भने ग्लेन म्याक्सवेल पार्टटाइमर छन्। पेस आक्रमणमा मिचेल स्टार्क, जोस हेजलवुड र प्याट कमिन्स छन् ।
उपाधिका लागि दुवै देशका खेलाडीहरु
भारत: रोहित शर्मा (कप्तान), शुभमन गिल, विराट कोहली, श्रेयस अय्यर, केएल राहुल (विकेटकिपर), सूर्यकुमार यादव, रविन्द्र जडेजा, कुलदीप यादव, मोहम्मद शामी, जसप्रित बुमराह र मोहम्मद सिराज।
अष्ट्रेलिया: प्याट कमिन्स (कप्तान), डेभिड वार्नर, ट्राभिस हेड, मिचेल मार्स, स्टिभ स्मिथ, मार्नस लाबुस्चेन, जोस इंग्लिस (विकेटकिपर), ग्लेन म्याक्सवेल, मिचेल स्टार्क, एडम जाम्पा र जोस हेजलवुड।
