बिहीबार, २० चैत्र, २०८१

श्रीलंकालाई पराजित गरेर नेपाल जारी साफ महिला फुटबल सेमिफाइनलमा प्रवेश

राष्ट्रिय सन्‍देश संबाददाता, बिहीबार, ८ कार्तिक, २०८१

श्रीलंकालाई पराजित गरेर नेपाल जारी साफ महिला फुटबल सेमिफाइनलमा प्रवेश

काठमाडौं, कार्तिक ८ । जारी साफ महिला फुटबल च्याम्पियनसिपमा नेपाल सेमिफाइनलमा प्रवेश गरेको छ । समूह चरणको अन्तिम खेलमा नेपालले श्रीलंकालाई ६-० गोल अन्तरले पराजित गर्दै नेपाल समुह विजेता बनेको हो ।

नेपालका लागि रेखा पौडेलले २ गोल गरेकी थिइन् भने सावित्रा भण्डारी, अमिषा कार्की, सबिता राना मगर र रश्मी राना मगरले एक एक गोल गरेका थिए।

यो जितपछि नेपालको समुह बी मा ३ खेलमा ७ अंक भएको छ र शीर्ष स्थानमा उक्लिएको छ। त्यस्तै ४ खेलमा ७ अंक नै भएको भुटान गोल अन्तरको आधारमा उपविजेता बन्दै सेमिफाइनलमा पुगेको छ।

त्यसैगरी समूह बी बाट श्रीलंका र माल्दिभ्स भने बाहिरिएका छन्। अब नेपालले सेमिफाइनलमा समूह ए को उपविजेता भारतसँग खेल्ने छ भने भुटानले समुह ए को विजेता बंगलादेशसँग खेल्ने भएको छ।  सेमिफाइनलका खेल २७ अक्टोबरमा हुने छन् ।

advertisement_1680627680.gif
advertisement_1693066608.gif
advertisement_1697293415.gif