मंगलवार, २८ आश्विन, २०८२
मंगलवार, २८ आश्विन, २०८२
राष्ट्रिय सन्देश संबाददाता, सोमबार, २० कार्तिक, २०८०
काठमाडौँ। नेपाल क्रिकेट संघ (क्यान)ले आइसीसी टी-२० विश्वकपमा छनोट हुने नेपाली राष्ट्रिय टीमका खेलाडीहरुलाई ५० लाख नगद पुरस्कारबाट सम्मान गर्ने बताएको छ।
सोमबार बसेको केन्द्रीय कार्यसमितिको बैठकले नेपालमा भर्खरै सम्पन्न भएको क्रिकेट खेलमा अमेरिका र वेस्ट इन्डिजमा हुने टी-२० विश्वकपमा छनोट भएका नेपाली टोलीलाई ५० लाख नगदसहित सम्मान गर्ने निर्णय गरेको बताइएको छ ।
त्यस्तै यु-१९ टोलीका सदस्यलाई जनही ५० हजारका दरले नगद पुरस्कार दिइने तथा मलेसियामा सम्पन्न एसीसी यु-१९ प्रमियर कपको उपाधि जितेर एसिया कपमा छनोट भएको युवा टोलीलाई नगदसहित सम्मान गरिने क्यानले बताएको छ।
त्यस्तै हङकङमा आयोजना हुने चार देश सम्मलित महिला टी-२० आई सिरिजमा राष्ट्रिय महिला क्रिकेट टोलीको सहभागिता हुने भएको छ। एसिया छनोटको फाइनमा संकलित कूल रकमको ५० प्रतिशत भुकम्प पीडितको उद्धारका लागि सहयोग गर्ने निर्णयसमेत भएको बताइएको छ।
