मंगलवार, ३१ असार, २०८२
मंगलवार, ३१ असार, २०८२
राष्ट्रिय सन्देश संबाददाता, सोमबार, २३ असार, २०८२
२३ असार २०८२, काठमाडौं । नेकपा एमालेका प्रमुख सचेतक महेश बर्तौलाले अहिलेको सरकार कांग्रेस र एमाले बीचको बलियो समझदारीको आधारमा बनेको स्पष्ट पारेका छन् ।
सोमबार प्रतिनिधि सभाको बैठकपछि सञ्चारकर्मीहरूसँग कुरा गर्दै बर्तौलाले सरकार गठनमा २ ठूला दलबीच गहिरो सहमति रहेको बताए ।
उनले भने, ‘अहिलेको सरकार नेपाली कांग्रेस र नेकपा एमाले बीचको मजबुत समझदारीका आधारमा बनेको हो । कोही छोड्ने, कोही आउने भन्ने त स्वाभाविक राजनीतिक प्रक्रिया नै हो ।’
सरकारको स्थायित्वका लागि एमाले र कांग्रेसबीचको सहकार्य निर्णायक भएको उनले बताए । बर्तौलाले पछिल्लो राजनीतिक घटनाक्रमलाई सामान्य प्रक्रियाको रूपमा लिँदै सरकार स्थिर रहने विश्वास व्यक्त गरेका छन् ।
