सोमबार, १४ बैशाख, २०८३
सोमबार, १४ बैशाख, २०८३
राष्ट्रिय सन्देश संबाददाता, मंगलवार, १७ चैत्र, २०८२
२०८२ चैत्र १७, काठमाडौं । भारतको केन्द्रीय विद्युत् प्राधिकरणले नेपालमा विद्युत् निर्यात गर्ने समय सीमा थप गर्दै नयाँ तालिका सार्वजनिक गरेको छ । अब आगामी १५ दिनसम्म नेपालमा चौबिसै घण्टा विद्युत् निर्यात गर्ने अनुमति प्रदान गरिएको छ ।
यसअघि मार्च ३१ सम्म दैनिक ६०० मेगावाट विद्युत् निर्यात गर्न सकिने प्राधिकरणले अब अप्रिल १ देखि १५ सम्म लगातार आपूर्ति सुनिश्चित गर्ने निर्णय गरेको हो ।
अप्रिल १६ देखि ३० सम्म दैनिक १६ घण्टा विद्युत् आपूर्ति हुने व्यवस्था लागू हुनेछ, जसअनुसार बिहान २ बजेदेखि बेलुका ६ बजेसम्म मात्र निर्यात हुनेछ ।
नेपाल विद्युत् प्राधिकरणलाई भारतीय पावर एक्स्चेन्जमार्फत मुजफ्फरपुर-ढल्केबर ४०० केभी प्रसारण लाइनमार्फत ६०० मेगावाटसम्म विद्युत् निर्यात गर्न अनुमति दिइएको छ । आगामी जुलाई र अगस्टमा पुनः चौबिसै घण्टा आपूर्ति हुने व्यवस्था छ भने मेदेखि जुनसम्म दैनिक १६ घण्टा विद्युत् आपूर्ति हुने प्रावधान रहनेछ ।
