मंगलवार, १८ मंसिर, २०८१
मंगलवार, १८ मंसिर, २०८१
राष्ट्रिय सन्देश संबाददाता, बुधबार, ६ असार, २०८०
काठमाडौं । पोखरा अन्तर्राष्ट्रिय विमानस्थलमा पहिलोपटक अन्तर्राष्ट्रिय उडानको सफल अवतरण भएको छ ।
चीनको छेन्दु प्रान्तबाट आएको सिचुवान एयरलाइन्सको न्यारोबडी ए ३१९ जहाज बुधबार बिहान ९ बजेर ६ मिनेटमा पोखरा अन्तर्राष्ट्रिय विमानस्थलमा सफल अवतरण भएको हो । उक्त जहाजमा राष्ट्रियसभाका अध्यक्ष गणेशप्रसाद तिमिल्सिनासहित अन्य १३० यात्रुहरु सवार गरेका थिए ।
पोखराको फेवातालमा यही असार ८ र ९ गते नेपाल–चाइना ड्रागन बोट रेस फेस्टिभल आयोजना हुदैछ। उक्त फेस्टिभल मा भाग लिनको लागि खेलाडीहरु समेत जहाजमा सवार रहेका थिए ।
राष्ट्रिय सभाका अध्यक्ष तिमिल्सिनासहित सात सांसद, अध्यक्षका प्रमुख स्वकीय सचिव गोविन्द अकेला पौडेल र उपसचिव रामहरि थापा गएको जेठ २७ गते चीन भ्रमणमा गएका थिए ।
