बुधबार, ७ आश्विन, २०८३
बुधबार, ७ आश्विन, २०८३
राष्ट्रिय सन्देश संबाददाता, शनिबार, १३ भाद्र, २०८३
२०८३ भदौ १३ काठमाडौं । भोटेकोशीमा आएको बाढीपछि नवलपुरका विभिन्न स्थानमा फेला परेका तर पहिचान हुन नसकेका शवहरूलाई जमिनमुनि गाडेर व्यवस्थापन गरिने भएको छ ।
शवका कारण संक्रमण तथा महामारी फैलिन सक्ने उच्च जोखिमलाई ध्यानमा राख्दै यस्तो कदम चालिएको चितवनका प्रहरी उपरीक्षक रामेश्वर पौडेलले जानकारी दिए । शवहरूको फोटो र डिएनएको नमुना लिएर मात्र व्यवस्थापन गर्न लागिएको हो ।
शव व्यवस्थापनका लागि भरतपुर–१ स्थित रामनगर देवघाट सडकको बीच जंगल क्षेत्रलाई शव व्यवस्थापन गर्ने स्थलको रूपमा चयन गरेको छ ।
व्यवस्थापन गर्नका लागि ठाउँ पनि तयार पारिएको छ । सुरक्षाकर्मीको उपस्थितिमा दुई वटा डोजर प्रयोग गरेर जंगलको बीच भागमा शव व्यवस्थापनका लागि आवश्यक कार्य समेत खाल्डो बनाउने कार्य सुरु गरिएको छ ।
चितवनमा हालसम्म संकलन गरिएका २३३ शवमध्ये ८ वटा मात्र पहिचान भएका छन् भने २२५ शव अझै पहिचान हुन सकेका छैनन् ।
शवका अवशेष सड्नेगल्ने अवस्थामा पुगेकाले संक्रमण तथा महामारी फैलिन सक्ने जोखिमलाई मध्यनजर गर्दै प्रशासनले तत्काल व्यवस्थापन गर्ने निर्णय गरेको हो ।
