बुधबार, ७ आश्विन, २०८३
बुधबार, ७ आश्विन, २०८३
राष्ट्रिय सन्देश संबाददाता, आईतवार, १४ भाद्र, २०८३
२०८३ भदौ १४ काठमाडौँ । रसुवा बाढीका कारण अलपत्रमध्ये आज आइतबार बिहान थप १८३ जनाको उद्धार गरिएको नेपाली सेनाले जनाएको छ । बिहान ११ बजेसम्म नेपाली सेनाका हेलिकप्टरबाट टिमुरे, धुन्चे र हाकुबेँसी क्षेत्रबाट ४ चिनियाँसहित जम्मा १८३ जनाको उद्धार गरिएको हो ।
त्रिशूली–३ जलविद्युत् आयोजनाको टनेलमा फसेका टोलीको उद्धारका लागि भदौ १२ गतेदेखि अस्थायी रूपमा खटिएको संयुक्त टोलीमा विशेषज्ञ जनशक्ति थप गरिएको छ । ९३ जनाको टोलीले ड्रिलिङ मेसिन, स्काभेटर, हाइड्रोलिक कटरलगायत उपकरण प्रयोग गरी उद्धार तथा खोजी कार्य अघि बढाइरहेको छ ।
बाढीको बहाब कम भएपछि टनेलको प्रवेशद्वार पत्ता लगाउने काम सुरु गरिएको नेपाली सेनाले जानकारी दिएको छ । बाढी प्रभावित जिल्लामा नेपाली सेनाका करिब ८ हजार ४ सयभन्दा बढी फौज परिचालन गरिएको जनाएको छ ।
