मंगलवार, १७ असार, २०८२
मंगलवार, १७ असार, २०८२
राष्ट्रिय सन्देश संबाददाता, आईतवार, ३० मंसिर, २०८१
जनकपुरधाम, मंसिर ३० । महोत्तरीमा बस दुर्घटना हुँदा २२ जना घाइते भएका छन् । भिठामोडबाट जनकपुरतर्फ जाँदै गरेको ना ४ ख १०६९ नम्बरको बस हुलाकी राजमार्गस्थित जलेश्वर नगरपालिका– ६ रातोपुलमा अनियन्त्रित भइ दुर्घटनामा परेको थियो ।
जनकपुर आउँदै गरेको बस एक्कासि अनियन्त्रित भई पुलको रेलिङ तोड्दै बस पल्टिएको थियो । जसमा सवारमध्ये २२ यात्रु घाइते भएको र २ जनाको अवस्था गम्भीर रहेको प्रहरीले जनाएको छ ।
जिल्ला प्रहरी कार्यालय महोत्तरीका प्रवक्ता सन्तुलाल प्रसाद जयसवारका अनुसार घाइतेमध्ये भारत परिहारकी २२ वर्षीया सरिता यादव र कोमल राउत गम्भीर घाइते भएको छन् ।
घाइतेहरूको प्रादेशिक अस्पताल जलेश्वरमै उपचार भइरहेको छ ।
