सोमबार, ४ कार्तिक, २०८२
सोमबार, ४ कार्तिक, २०८२
राष्ट्रिय सन्देश संबाददाता, सोमबार, २५ मंसिर, २०८०
काठमाडौँ। आज बिहान विभिन्न शिवालयमा बालाचतुर्दशी पर्व मनाउनेको भिड लागेको छ ।
प्रत्येक वर्ष मार्गशीर्ष कृष्ण चतुर्दशीका दिन बिहान शतबीज छरी बालाचतुर्दशी मनाइन्छ । काठमाडौँको पशुपतिनाथ मन्दिर लगाएतका मन्दिरहरुमा भक्तजनहरुको घुइचो लागेको हो। त्रयोदशीको दिन आइतबार बेलुकीदेखि दिवङ्गत पितृका नाममा अखण्ड दीपदान गरी बसेका भक्तजनले सोमबार पितृको सद्गतिको कामना गर्दै शतबीज छर्ने गर्दछन ।
बालाचतुर्दशीको अघिल्लो रात आइतबार दिवङ्गत पितृका नाममा दीपदान गर्न पशुपति परिसरमा सयौँको भिड लागेको थियो । उनीहरू रातभर जाग्राम बसी भजन,किर्तन गरेर बसेका थिए । पशुपतिनाथ आउन नसक्ने भक्तजनले भने आआफ्ना घर नजिकैको शिवालयमा त्रयोदशीको बेलुकीदेखि महादीपदान गरी चतुर्दशीका दिन बिहान शतबीज छर्छन् ।
