मंगलवार, १७ असार, २०८२
मंगलवार, १७ असार, २०८२
राष्ट्रिय सन्देश संबाददाता, सोमबार, १७ चैत्र, २०८१
१८ चैत्र २०८१, काठमाडौं । पवित्र रमजान महिनाको समापनसँगै इस्लाम धर्मावलम्बीहरूले आज ईद उल फित्र पर्व श्रद्धा, उत्साह र भाइचाराका साथ देशभर मनाउँदै छन् । मुस्लिम समुदायको प्रमुख धार्मिक चाड मानिने यो पर्वका अवसरमा सरकारले आज सार्वजनिक विदा दिएको छ ।
मुस्लिम धर्मावलम्बीहरूको याे महान् पर्व (इदुल फित्र) आज देशभरका मुस्लिम समुदायले हर्षोल्लासपूर्वक मनाउँदै छन् । इदुल फित्र अर्थात् रमजान पर्वको समाप्तिमा यो पर्व मनाउने धार्मिक विधि रहिआएको छ । नेपाल सरकारले इस्लाम धर्मावलम्बीको मुख्य पर्व ईदका अवसरमा आज देशभर सार्वजनिक बिदा दिएर यसलाई राष्ट्रिय पर्वको रूपमै महत्त्व दिएको छ ।
यस अवसरमा विशेष रूपमा सेवईको खिर, खजुरलगायतका मीठा खानेकुरा बनाएर आफन्त, साथीभाइलाई खुवाउने चलन छ। आफूभन्दा सानालाई आशीर्वाद दिने र दीनदुःखीलाई दान दिने यो पर्व सामाजिक सद्भाव, सहिष्णुता र परोपकारको प्रतिकका रूपमा मनाइन्छ ।
ईदको दिन मुस्लिम धर्मगुरुहरूले कुरानको वाचन गर्दै सदाचार र सत्कर्मको मार्गमा चल्न प्रेरणा दिने गरेका छन्। नमाजपश्चात मस्जिद वा खुला स्थानमा एक–अर्कालाई शुभकामना आदान–प्रदान गर्दै पर्वको उल्लास साटासाट गरिन्छ ।
