शनिबार, १४ मंसिर, २०८२
शनिबार, १४ मंसिर, २०८२
राष्ट्रिय सन्देश संबाददाता, शनिबार, ७ मंसिर, २०८२
२०८२ मंसिर ६, काठमाडौं । नेपाल प्रिमियर लिग (एनपीएल)को दोस्रो संस्करण अन्तर्गतको आठौँ खेलमा विराटनगर किंग्सले काठमान्डु गोर्खाजलाई ५ विकेटले पराजित गरेको छ ।
शनिबार त्रिवि क्रिकेट मैदानमा भएको दोस्रो खेलमा विराटनगर ५ विकेटले विजयी हुँदै जारी एनपीएलमा लगातार दोस्रो जित हासिल गरेको हो ।
काठमान्डुले दिएको १३५ रनको लक्ष्य विराटनगरले १७.१ ओभरमा ५ विकेट गुमाएर पुरा गर्यो । विराटनगरका जर्ज मुन्सेले ३६ रन बनाए । यस्तै मार्टिन गुप्टिलले २५ तथा नरेन भट्टले २४ रन बनाए । काठमान्डुका शाहब आलमले दुई विकेट लिए ।
यसअघि टस हारेर पहिला ब्याटिङको निम्तो पाएको काठमान्डुले निर्धारित २० ओभरमा ६ विकेट गुमाएर १३४ रन बनाएको थियो ।
काठमान्डुका लागि आदिल आलमले सार्वधिक ४८ रनको योगदान दिए । त्यस्तै बेन चाल्र्सवर्थले ३२ रनको पारी खेले । त्यस्तै सन्तोष यादवले २६ रनको योगदान दिए। अन्यको प्रदर्शन सम्झन लायक रहेन् । विराटनगरका लागि मर्चेन्ट डे लाङले २ विकेट लिए । शुभम रन्जाने, सूर्य तामाङ र सन्दीप लामिछानेले एक–एक विकेट लिए ।
आजको पहिलो खेलमा कर्णाली याक्सले लुम्बिनी लायन्सलाई ९ विकेटले पराजित गरेको थियो ।
