शनिबार, २२ चैत्र, २०८१
शनिबार, २२ चैत्र, २०८१
राष्ट्रिय सन्देश संबाददाता, शनिबार, ३ फाल्गुन, २०८१
३ फागुन, काठमाडौं । पोखरा भ्रमण वर्ष, २०२५ उद्घाटनका क्रममा आगोको ज्वालाले बेलुन फुट्दा घाइते भएका उपप्रधान तथा अर्थमन्त्री विष्णुप्रसाद पौडेलको काठमाडौँको कीर्तिपुरस्थित बर्न अस्पतालमा उपचार जारी रहेको उनको सचिवालयले जनाएको छ ।
पोखरा भ्रमण वर्ष २०२५ को उद्घाटन गर्ने क्रममा बेलुन पड्किएर उपप्रधानमन्त्री एवं अर्थमन्त्री विष्णुप्रसाद पौडेल र पोखराका मेयर धनराज आचार्य घाइते भएका थिए।
गृहमन्त्री रमेश लेखकका अनुसार अर्थमन्त्री पौडेलका साथै पोखरा महानगर प्रमुख आचार्यको काठमाडौँको कीर्तिपुरस्थित बर्न अस्पतालमा उपचार भइरहेको बताए । घाइतेको अवस्था बुझ्दै उनले आगामी दिनमा यस्ता घटना दोहरिन नदिन सतर्कता अपनाउनुपर्ने बताए।
त्यस्तै पौडेल र आचार्यको स्वास्थ्य अवस्थाको जानकारी लिँदै एमाले बरिष्ठ उपाध्यक्ष इश्वर पोखरेलले चिकित्सकहरुले जाँच गरेको र खतरमुक्त रहेको जानकारी दिएको बताए । अर्थमन्त्रीको हात र मुहारमा केहि जलन देखिएको उनले बताए।
घटना हुनेबितिकै मन्त्री पौडेललाई गण्डकी मेडिकल कलेज शिक्षण अस्पताल र महानगर प्रमुख आचार्यको फिस्टेल अस्पताल पोखरामा प्रारम्भिक उपचार गरिएको थियो। त्यसपछि दुवै जनालाई थप उपचारका लागि काठमाडौं ल्याइएको हो।
