बुधबार, ३१ असार, २०८३
बुधबार, ३१ असार, २०८३
राष्ट्रिय सन्देश संबाददाता, ४ घण्टा पहिले
२०८३ असार ३०, काठमाडौँ । नक्कली भुटानी शरणार्थी प्रकरणमा काँग्रेस नेता एवम् पूर्वगृहमन्त्री बालकृष्ण खाणलाई दुई वर्ष कैद सजाय तोकिएको छ ।
जिल्ला अदालत, काठमाडौँले खाणलाई दुई वर्ष कैद र २० हजार जरिवाना तोकिएको हो । उनलाई ठगीमा एक वर्ष कैद र १० हजार जरिवाना गरिएको छ।
त्यस्तै, संगठित अपराधमा एक वर्ष ६ महिना कैद र १५ हजार जरिवाना तोकिएको हो । यसैगरी, राज्य विरुद्धको कसुरमा ६ महिना कैद र पाँच हजार जरिवाना तोकिएको जिल्ला अदालतको फैसालमा उल्लेख छ। यससँगै थप तीन महिना कैद तोकिएको छ।
अदालतले एकीकृत तर्फ दुई वर्ष कैद र २० हजार जरिवाना तोकेको छ।
यसअघि न्यायाधीश खड्काकै इजलासले असार २४ गते नक्कली शरणार्थीसम्बन्धी मुद्दामा फैसला गर्दै १६ जनालाई दोषी ठहर गरेको थियो भने सात जनालाई सफाइ दिएको थियो ।
