मंगलवार, ३० भाद्र, २०८३
मंगलवार, ३० भाद्र, २०८३
राष्ट्रिय सन्देश संबाददाता, १२ घण्टा पहिले
२०८३ भदौ २९ काठमाडौं।प्रधानमन्त्री वालेन्द्र शाहले रसुवाको भोटेकोशीमा आएको भीषण बाढीपछि विपद् संकटग्रस्त क्षेत्र घोषणा गरिएका विभिन्न जिल्लाका जनप्रतिनिधिहरूसँग छलफल गरेका छन्। सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज बिहान ११ बजेदेखि आयोजित बैठकमा नुवाकोट, रसुवा, धादिङ, गोरखा र तनहुँका अति प्रभावित १५ स्थानीय तहका प्रमुख तथा प्रतिनिधिसभा सदस्यहरूको सहभागिता रहेको थियो। छलफलका क्रममा जनप्रतिनिधिहरूले आ-आफ्नो क्षेत्रको वर्तमान परिस्थिति र स्थानीयवासीले भोग्नुपरेको समस्याबारे प्रधानमन्त्रीलाई जानकारी गराएका छन्।
भोटेकोशी हुँदै त्रिशूली नदीमा आएको अकल्पनीय बाढीले पुर्याएको क्षति, उद्धार तथा राहतको पछिल्लो अवस्थाबारे बैठकमा विस्तृत समीक्षा गरिएको छ। छलफल विशेष गरी प्रभावित क्षेत्रको शान्ति-सुरक्षा, तत्काल पुर्याउनुपर्ने राहत, जोखिमयुक्त बस्ती स्थानान्तरण र दीर्घकालीन पुनर्निर्माण तथा पुनरुत्थानका कदमहरूमा केन्द्रित रहेको छ। बाढीका कारण हालसम्म १,३८८ जनाको शव फेला परेको छ भने ५,१३० जना अझै बेपत्ता रहेका छन्। सरकारले प्रभावित क्षेत्रमा खोजी तथा उद्धार कार्यलाई तीव्र बनाउँदै पुनरुत्थानका लागि एकीकृत योजना ल्याउने प्रतिबद्धता जनाएको छ।
