सोमबार, १८ जेष्ठ, २०८३
सोमबार, १८ जेष्ठ, २०८३
राष्ट्रिय सन्देश संबाददाता, ३ घण्टा पहिले
२०८३ जेष्ठ १८, काठमाडौं । सभामुख डोलप्रसाद अर्यालले १७ गतेको बैठकमा भएको तोडफोड छानबिन गर्न समिति गठन गरेका छन् । उक्त दिन अमर्यादित र आपत्तिजनक व्यवहार प्रदर्शन तथा भौतिक हानी नोक्सानी समेत भएको भन्दै सो बारे छानबिन गर्न समिति गठन गरिएको हो ।
उक्त दिनको क्षति छानबिनका लागि प्रतिनिधिसभाका सचिव प्रकाश अधिकारीलाई संयोजक तोकिएको छ । संघीय संसद सचिवालयको आन्तरिक सेवा तथा योजना व्यवस्थापन महाशाखा प्रमुख र प्रविधि व्यवस्थापन महाशाखा प्रमुख सदस्य रहेका छन् ।
समितिलाई अध्धयन गरी प्रतिवेदन पेस गर्न ७ दिनको समयावधी दिइएको छ । प्रतिवेदन प्राप्त भएपछि आवश्यक कारवाही अघि बढाउन सकिने सभामुख डोल प्रसाद अर्यालले जानकारी दिए ।
सभामुख अर्यालले विपक्षी दलका सांसदहरुले हिजो राति (जेठ १७ गते) प्रतिनिधिसभाको बैठकमा गरेको अमर्यादित हर्कतका बारेमा परामर्श गरेका थिए ।
