सोमबार, १५ भाद्र, २०८३
सोमबार, १५ भाद्र, २०८३
राष्ट्रिय सन्देश संबाददाता, २३ घण्टा पहिले
२०८३ भदौ १४ काठमाडौँ । नेपालका बाढीपहिरो प्रभावित क्षेत्रहरूमा खोजी, उद्धार तथा राहत कार्यलाई तीव्रता दिन भारत सरकारले थप सहयोग उपलब्ध गराएको छ । भारतीय विदेशमन्त्री डा. एस. जयशंकरका अनुसार ११ टन राहत सामग्री र अत्याधुनिक प्राविधिक टोलीसहित भारतीय वायुसेनाको चौथो सी-१३० विमान काठमाडौँ आइपुगेको छ ।
यस चौथो खेप सहयोगसँगै भारतले हालसम्म हवाई मार्गबाट कुल ६८.५ टन राहत सामग्री नेपाल हस्तान्तरण गरिसकेको छ । यसअघि औषधि, जेनेरेटर, तयारी खाना र पानी शुद्धीकरण ट्याब्लेटहरू पठाइएको थियो भने पछिल्लो सहयोगमा ब्ल्याङ्केट, स्लिपिङ ब्याग, त्रिपाल, सरसफाइका सामान तथा फरेन्सिक विशेषज्ञ र सुरुङ (टनेल) प्राविधिक टोली समावेश छन् ।
विपद्का कारण भत्किएका सडक तथा पुलहरू पुनर्निर्माण गरी यातायात सहज बनाउन भारतले भौतिक संरचनागत सहयोग पनि सुरु गरेको छ । विदेशमन्त्री जयशंकरले २३० फिट लामो 'सिंगल लेन मोड्युलर स्टिल ब्रिज' का उपकरण बोकेका १६ वटा ट्रकहरू नेपालतर्फ प्रस्थान गरिसकेको र थप ७ वटा बेली ब्रिजका सामान तथा जडान गर्ने प्राविधिक टोली शीघ्र आइपुग्ने जानकारी दिएका छ न्।
काठमाडौँस्थित भारतीय दूतावासले सहयोग सामग्री नेपाल आइपुगेको पुष्टि गर्दै नेपाली नागरिकको उद्धार र राहतका लागि भारतको निरन्तर साथ रहने प्रतिबद्धता दोहोर्याएको छ ।
