आईतवार, ३१ श्रावण, २०८३
आईतवार, ३१ श्रावण, २०८३
राष्ट्रिय सन्देश संबाददाता, १७ घण्टा पहिले
२०८३ साउन ३०, झापा । झापाको झापा गाउँपालिका–४ वडा कार्यालय अगाडि हुलाकी राजमार्गमा टिपरको ठक्करबाट एक जना साइकलयात्रीको मृत्यु भएको छ । बाटो क्रस गर्दै गरेका साइकलयात्री झापा गाउँपालिका–३ बस्ने अन्दाजी ६५ वर्षीय इशनलाल गणेशलाई टिपरले ठक्कर दिँदा मृत्यु भएको हो ।
टिपरको ठक्करबाट गम्भीर घाइते भएका गणेशलाई उपचारका लागि बिएण्डसी अस्पताल, बिर्तामोड पठाइएकोमा उपचारका क्रममा मृत्यु भएको हो । दुर्घटनापछि आक्रोशित स्थानीयले टिपरमा ढुंगा प्रहार गरी तोडफोड गरेका छन् । अन्दाजी १७:२० बजे बालुवा बोकेको ना.५ ख ६४९० नम्बरको टिफरले दिएको थियो ।
टिपर चालक झापा गाउँपालिका–३ कामटोली बस्ने अन्दाजी ३६ वर्षीय फागुलाल राजवंशीलाई इलाका प्रहरी कार्यालय कुमरखोदले नियन्त्रणमा लिएको छ । घटनाबारे थप अनुसन्धान भइरहेको छ ।
