बिहीबार, ११ भाद्र, २०८३
बिहीबार, ११ भाद्र, २०८३
राष्ट्रिय सन्देश संबाददाता, ३ घण्टा पहिले
२०८३ भदौ ११ काठमाडौँ । रसुवा बाढीबाट प्रभावित भएका नागरिकले अनलाइनबाटै उद्धार र राहतका लागि माग गर्न सक्ने भएका छन् ।
पूर्वाधार मन्त्रालय मातहतको सडक विभाग र गृह मन्त्रालय मातहतको राष्ट्रिय विपद् जोखिम न्यूनीकरण तथा व्यवस्थापन प्राधिकरणले संयुक्तरुपमा उद्धार र राहतका लागि अनलाइनबाटै फाराम भर्न आह्वान गरेको हो ।
बाढीबाट प्रभावित भएकाहरुले राष्ट्रिय विपद् जोखिम न्यूनीकरण तथा व्यवस्थापन प्राधिकरण (NDRRMA) को (https://setu.ndrrma.gov.np) सिस्टममार्फत उद्धार र राहत आवश्यक माग विवरण फाराम भर्न सकिने गृह मन्त्रालयले जनाएको छ ।
प्रधानमन्त्री कार्यालयस्थित हटलाइन सेन्टर, गृह मन्त्रालय तथा विभिन्न माध्यमबाट प्राप्त उद्धारसम्बन्धी सूचनाका आधारमा उद्धार तथा राहत आवश्यक पर्ने स्थानहरूको प्राथमिकता निर्धारण गरिने जनाइएको छ ।
