बुधबार, १९ चैत्र, २०८१
बुधबार, १९ चैत्र, २०८१
राष्ट्रिय सन्देश संबाददाता, शुक्रबार, ७ चैत्र, २०८१
८ चैत्र २०८१, काठमाडौं । नागरिक उन्मुक्ति पार्टीको केन्द्रीय समिति बैठक बस्दैछ । पहिलो महाधिवेशनपछि आजबाट सुरु हुन लागेको यो पहिलो केन्द्रीय समिति बैठक हो ।
बैठक आज चैत ८ र ९ गते मध्य बानेश्वरस्थित सनराइज क्याफेमा बस्न लागेको हो । बैठक बिहान ११ः०० बजेबाट सुरु हुनेछ ।
अध्यक्ष रन्जिता श्रेष्ठले समसमायिक राजनीतिक बिषय तथा अन्य पार्टीसँगको एकीकरण र मोर्चाबन्दी लगायत विभिन्न विषयमा छलफल गर्न आकस्मिक केन्द्रीय समिति बैठकको आह्वान गरेको जनाएकी छन्।
सो बैठकमा पार्टीका प्रमुख संरक्षक रेशम चौधरी जेलमा हुँदा बनेका केन्द्रीय सदस्यहरू, प्रथम महाधिवेशनबाट निर्वाचित केन्द्रीय सदस्यहरू, संस्थापक केन्द्रीय सदस्यहरुलाई बैठकमा बोलाइएको छ।
साथै, पार्टीबाट निर्वाचित संघ र प्रदेशका उम्मेदवार, पालिकाका प्रमुख र उपप्रमुखहरू, जसलाई पछि केन्द्रीय समिति सदस्य बनाइएको थियो, उनीहरू पनि केन्द्रीय समिति बैठकमा बस्नेछन् ।
नाउपाको पहिलो महाधिवेशन गत वर्ष पुस २६-२८गतेसम्म कैलालीको टिकापुरमा सम्पन्न भएको थियो। पहिलो महाधिवेशनले रेशम चौधरीको अध्यक्षतामा केन्द्रीय समिति गठन गरे पनि अदालतको आदेशका कारण उनी पदमुक्त हुनु परेको थियो
