मंगलवार, २८ आश्विन, २०८२
मंगलवार, २८ आश्विन, २०८२
राष्ट्रिय सन्देश संबाददाता, शनिबार, ११ आश्विन, २०८२
२०८२ असोज ११, काठमाडौँ । शिक्षा विज्ञान तथा प्रविधिमन्त्री महावीर पुनले शिक्षकको तलब निकासा गर्न निर्देशन दिएका छन् । दशैं-तिहारमा पनि तलब निकासा नभएको गुनासो शिक्षकहरूले गरेपछि मन्त्री पुनले तलब निकासा नगरे कारबाही गर्ने चेतावनी दिएका छन् ।
"शिक्षा मन्त्रालयबाट शिक्षकहरूको तलब सम्बन्धित सबै पालिकामा पहिल्यै पठाइसकिएको छ । तर केही प्रधानाध्यापक र शिक्षकहरूले अझै तलब नपाएको गुनासो गरेका छन् । यदि अब पनि कुनै पालिकाले अन्यायपूर्ण रूपमा तलब रोक्ने हो भने, भोलिसम्म तलब निकासा नगरेका पालिकामाथि कानुनी कारबाही हुनेछ ।" मंत्री पुनले भने ।
दशैं-तिहारको अवसरमा विद्यालय व्यवस्थापन समितिले र प्रधानाध्यापकले तलब निकासा गरि दिएन भनेर पनि गुनासो आएको उनले बताए । ‘भोलि सम्ममा कुनै नाजायज र अन्यायपूर्ण तरिकाले तलब नपाएको शिक्षकहरुको तलव निकास नगरेमा त्यसता विद्यालयका प्रधानाध्यापकलाई नियमानुसार कारबाही गरिनेछ’, पुनले भने ।
