बुधबार, २६ कार्तिक, २०८३
बुधबार, २६ कार्तिक, २०८३
राष्ट्रिय सन्देश संबाददाता, १० घण्टा पहिले
२०८३ कार्तिक २५ काठमाडौँ । उपत्यकामा ट्राफिक नियम उल्लंघन गर्ने ५१२ चालक कारबाहीमा, सबैभन्दा बढी मापसे गर्ने छन् ।
काठमाडौं। काठमाडौं उपत्यकामा ट्राफिक नियम उल्लंघन गर्ने ५१२ जना चालकलाई पछिल्लो २४ घण्टामा कारबाही गरिएको छ । काठमाडौं उपत्यका ट्राफिक प्रहरी कार्यालयले सार्वजनिक गरेको विवरणअनुसार विभिन्न कसुरमा सो संख्याका चालकहरूलाई कारबाही गरिएको हो ।
प्राप्त विवरणअनुसार सबैभन्दा बढी मादक पदार्थ सेवन गरी सवारी चलाउने (मा.प.से.) १३६ जना कारबाहीमा परेका छन् ।
त्यस्तै, तीव्र गतिमा सवारी चलाउने ९९ जना, अवस्था ठीक नभएका सवारी साधन चलाउने २१ जना, रेड लाइट (ट्राफिक संकेत) उल्लंघन गर्ने १६ जना, हर्न बजाउने नियम उल्लंघन गर्ने ८ जना र वन वे नियम मिच्ने १ जना चालकलाई कारबाही गरिएको छ । यसैगरी, सिसिटिभीमार्फत ३६ जना र अन्य विभिन्न कसुरमा १९६ जना चालक कारबाहीमा परेका छन् ।
सडक सुरक्षालाई मध्यनजर गर्दै ट्राफिक प्रहरीले सबै चालकहरूलाई अनिवार्य रूपमा नियमको पालना गर्न आग्रह गरेको छ ।
