शुक्रबार, १२ भाद्र, २०८३
शुक्रबार, १२ भाद्र, २०८३
राष्ट्रिय सन्देश संबाददाता, १९ घण्टा पहिले
२०८३ भदौ ११ काठमाडौँ । ह्याम्स अस्पतालले भोटेकोशी नदीमा आएको बाढीबाट प्रभावित नागरिकलाई निःशुल्क आकस्मिक स्वास्थ्य सेवा उपलब्ध गराउने घोषणा गरेको छ ।
अस्पतालले प्रेस विज्ञप्ति जारी गर्दै विपद्को दुःखद घडीमा प्रभावित नागरिकको उपचारका लागि प्रतिबद्ध रहेको जनाएको हो ।
नेपाल सरकारसँगको समन्वयमा आवश्यकताअनुसार मेडिकल टोलीसहित विपद् प्रभावित क्षेत्रमा पुगेर स्वास्थ्य सेवा प्रदान गर्नसमेत अस्पताल पूर्ण तयारी अवस्थामा रहेको विज्ञप्तिमा उल्लेख छ ।
अस्पतालले बाढीबाट भएको अकल्पनीय जनधनको क्षतिप्रति दुःख व्यक्त गर्दै ज्यान गुमाउनेप्रति श्रद्धाञ्जली तथा शोकसन्तप्त परिवारजनप्रति समवेदना प्रकट गरेको छ ।
आकस्मिक स्वास्थ्य सहायता आवश्यक परेमा ह्याम्स विपद् व्यवस्थापनको सम्पर्क नम्बर ९८०१९०४६४० मा सम्पर्क गर्न अस्पतालले अनुरोध गरेको छ ।
