मंगलवार, २८ आश्विन, २०८२
मंगलवार, २८ आश्विन, २०८२
राष्ट्रिय सन्देश संबाददाता, शनिबार, १८ चैत्र, २०७९
काठमाडौँ। पछिल्लो २४ घण्टामा १५ जनामा संक्रमण पुष्टि भएसँगै शनिबार नेपालमा सक्रिय कोभिड–१९ संक्रमितको संख्या १७१ पुगेको छ ।
राष्ट्रव्यापी कोभिड–१९ सङ्क्रमणको सङ्ख्या १ लाख १ हजार ३ सय ८४ रहेको छ भने मृत्यु हुनेको सङ्ख्या १२ हजार २० रहेको छ । यसैबीच, आज सातवटा डिस्चार्ज भएसँगै कुल कोरोना निको हुनेको संख्या ९ लाख ८९ हजार १९३ पुगेको छ ।
स्वास्थ्य मन्त्रालयले दिएको पछिल्लो तथ्यांकअनुसार पछिल्लो २४ घण्टामा कुल ६५६ वटा परीक्षण गरिएको छ जसमा ११८ वटा पीसीआर र ५३८ वटा एन्टिजेन परीक्षण भएका छन् । योसँगै हालसम्म कूल ६ लाख २० हजार ६३७ पीसीआर परीक्षण गरिएको छ भने पछिल्लो २४ घण्टामा एन्टिजेन परीक्षणमा २३ जनामा पोजेटिभ पुष्टि भएको छ ।
नेपालमा कोभिड-१९ बाट निको हुने दर ९८.८% रहेको छ भने मृत्युदर १.२% रहेको छ ।
