मंगलवार, २८ आश्विन, २०८२
मंगलवार, २८ आश्विन, २०८२
राष्ट्रिय सन्देश संबाददाता, आईतवार, २२ असार, २०८२
२२ असार २०८२, हुम्ला । प्रधानमन्त्री केपी शर्मा ओलीले कर्णाली कोरिडाेर-चुवाखोला बेली ब्रिजको उद्घाटन गरेका छन् ।
हुम्लाको सदरमुकाम सिमकोटलाई राष्ट्रिय सडक सञ्जालसँग जोड्ने खार्पुनाथ गाउँपालिकास्थित चुवाखोलामा निर्माण भएको पुल आइतबार साँझ प्रधानमन्त्री ओलीले उद्घाटन गरेका हुन् ।
प्रधानमन्त्रीलाई स्थानीयहरूले स्वागत गरेका थिए । प्रधानमन्त्रीसँगै प्रथम महिला राधिका शाक्य, भौतिक पूर्वाधार तथा यातायात मन्त्री देवेन्द्र दाहाल, कर्णालीका मुख्यमन्त्री यामलाल कँडेल, एमाले उपमहासचिव प्रदीप ज्ञवाली पनि हुम्ला पुगेका छन् ।
बेलिब्रिज निर्माणको जिम्मा नेपाली सेनाले लिएको थियो। प्रधानमन्त्री ओलीले पुलको उद्घाटन गरेसँगै हुम्ला सदरमुकाम सिमकोट औपचारिक रुपमा राष्ट्रिय सडक सञ्जालमा जोडिएको छ ।
