शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, बुधबार, १७ जेष्ठ, २०८०
नेपालगन्ज । डुडुवा गाउँपालिका वडा नं.५ र ६ का वडा अध्यक्ष र ३ जना कार्यपालिका सदस्यले बुझाएको १० बूँदे माग सहितको ज्ञापन पत्र माथि कुनै सुनुवाई नभएपछि आज डुडुवा गाऊ पालिका कार्यालय २ घण्टा घेराउ गरी काम कार्यवाही ठप पारिएको हो ।
मिति २०८० साल ज्येष्ठ महिनाको १२ गते शुक्रवारका दिन १० वूँदे माग सहित डुडुवा गाउँपालिका अध्यक्षलाई बुझाएको ज्ञापन पत्र माथि हालसम्म कुनै सुनुवाई नभएको भन्दै वडा अध्यक्ष झंक बहादुर थापा र मोहनराम मिश्र, कार्यपालिका सदस्य शिव कुमार जयसवाल, जवन्ती महाउत र लिला सुनार लगायत ५ र ६ का वडा सदस्य समेतको सामूहिक निर्णयले डुडुवा गाउँपालिका कार्यालय घेराउ गरी २ घण्टाका लागि ठप्प पारिएको कुरा वडा अध्यक्ष थापाले बताएका छन् ।
उक्त कार्यक्रममा बोल्दै वडा अध्यक्ष थापाले स्थानीय निर्वाचन २०७४ को परिणाम अनुसार एकल बहुमतले यस डुडुवा गाउपालिकामा रहेका कुनै पनि वडालाई सिलिङ्ग बजेट उपलब्ध नगराई पालिका अध्यक्ष आफ्नो मनोमानी ढंगले ५ बर्ष सम्म पालिका सञ्चालन गरेको दुःख पोख्दै २०७९ सालको स्थानिय निर्वाचन पश्चात आएको परिणाम अनुसार कुनै पनि दलको बहुमत न आएपछि यस डुडुवा गाउँपालिकामा निर्वाचित हामीहरुले आफ्नो माँग पूरा नहुनजेल हामी सहमतिमा नजाने भनी गरेको निर्णयले आर्थिक बर्ष २०७९÷०८० मा गाऊँ परिषद गर्न पनि अत्यन्तै कठिनाई भई पालिका अध्यक्षले हाम्रो माँग सम्बोधन गरेपछि हामी सहमतिमा गई गाऊँ परिषद सम्पन्न गराएका थियौ ।
तर गाउ परिषद पश्चात पालिका अध्यक्ष नरेन्द्र कुमार चौधरीले हामीहरुलाई बेवास्ता गरी हाम्रो माग परै जाओस् हामीहरुसंग सम्पर्क गर्न छाडी आफ्नो मनोमानी ढंगले हालसम्म पालिका सञ्चालन गर्दै आएको हुँदा हामी निर्वाचित जनप्रतिनिधीहरुले सिफारिस गर्नु बाहेक आम जनता संग गरेको वाचा र आफ्नो वडाको बिकास गर्न असमर्थ भएको कारण मिति २०८० साल ज्येष्ठ महिनाको १२ गते शुक्रवारका दिन भएको बिशेष गाऊँ सभालाई बहिष्कार गरी हाम्रो माँग “२०७९ साल पौष महिनाको ४ गते भएको गाऊँ परिषद (सभा) को निर्णयको प्रतिलिपी उपलब्ध गराउनु पर्ने, गाउ परिषद (सभा) पश्चात हाल सम्मको आय–ब्यय बिबरण सार्वजनिक गर्नु पर्ने, हाल सम्म यस पालिकामा रहेका सम्पूर्ण कर्मचारीहरुको बिबरण सार्वजनिक गर्नु पर्ने, प्रत्येक वडालाई सिलिङ्ग बजेट उपलब्ध गराउनु पर्ने र बिगतमा सिलिङ्ग बजेट उपलब्ध गराउने निर्णय भएपनि किन न गराएको कारण सार्वजनिक गर्नु पर्ने, यस पालिकामा रहेका सम्पूर्ण मेसेनरी सामग्रीहरुको अवस्था र रहेको स्थान सार्वजनिक गर्नु पर्ने, प्रत्येक वडामा भेटनरी पशु सेवा वडा कार्यालय मार्फत राख्न निर्णय गरी तत्काल खटाउनु पर्ने, सामाजिक सुरक्षा भत्ता समयमा बितरण गर्नु पर्ने, सेतो र पहेलो कार्ड भएका फरक क्षमताका ब्यक्तिहरुको भत्ता समय मै उपलब्ध गराउनु पर्ने, भुगोललाई अनुमान गरी एम्बुलेन्स सेवा उपलब्ध गराउनु पर्ने, ११ औं गाऊँ सभाको निर्णय सार्वजनिक गर्नु पर्ने” सम्बोधन नभए सम्म कार्यपालिकाको बैठक अवरुद्ध गरी चरणबद्ध आन्दोलन गर्न बाध्य हुने छौ भनी जानकारी गराउँदा पनि हाल सम्म पालिका अध्यक्षले कुनै चाँसो नदेखाएको भनी वडा अध्यक्षले बताउनु भएको छ ।
यसै गरी निवर्तमान बिद्यायक बिजय बहादुर यादव, वडा नं.४ का समाज सेवी महेन्द्र शाही, कार्यपालिका सदस्य शिव कुमार जयसवाल लगायतले आफ्नो धारणा राख्नु भएको थियो । जयसवाल अनुसार २०८० साल ज्येष्ठ महिनाको १९ गते सम्म हाम्रो माँग सम्बोधन न गरी आम नागरिकहरुको हक हित सुनिश्चित नगरेको खण्डमा हामी ऐ.को २० गते देखि चरणबद्ध आन्दोल गर्न बाध्य हुने र सो बाट उत्पन्न हुने बिपरीत परिस्थितीको जिम्मेवार डुडुवा गाऊँपालिका अध्यक्ष स्वयं हुने जानकारी दिनु भएको हो । उक्त पालिका घेराउ कार्यक्रममा ६ वटै वडाबाट १५० जनाको उपस्थिती रहेको बताइएको छ ।
