आईतवार, १० कार्तिक, २०८२
आईतवार, १० कार्तिक, २०८२
राष्ट्रिय सन्देश संबाददाता, बिहीबार, ११ बैशाख, २०८२
११ बैशाख २०८२, बुटवल । भारतको जम्मू–कश्मीरको पहलगाममा भएको बन्दुकधारीहरूको आक्रमणबाट मृत्यु भएका बुटवलका सुदीप न्यौपानेको शव बुटवल ल्याइएको छ । आतंकवादी हमलामा मारिएका बुटवलका सुदीप न्यौपाको शव नेपाल ल्याइएको हो ।
परिवारका अनुसार शवलाई दिल्लीबाट लखनउसम्म हवाई मार्ग र त्यसपछि लखनउबाट बुटवलसम्म स्थल मार्ग हुँदै एम्बुलेन्समा ल्याउने व्यवस्था मिलाइएको थियो ।
आमा, बहिनी र ज्वाइँसहित घुमघामका लागि पहलगाम पुगेका सुदीपको मंगलबार दिउँसो बन्दुकधारीहरूको आक्रमणमा मृत्यु भएको थियो ।
उक्त आक्रमणमा सुदीपसहित २७ जनाको ज्यान गएको छ भने २० जना घाइते भएका छन् । बुटवल कालिकानगरस्थित मनकामना पथमा शव ल्याइएको र आजै त्रिवेणी घाट लगेर अन्त्येष्टि गरिने बुटवल बताइएको छ । सुदीपको शव ल्याउनका लागि वडा नम्बर १४ का वडाध्यक्ष समेत रहेका सुदीपका काका दधिराम न्यौपानेसहितका परिवारका अन्य सदस्य सुनौली पुगेका थिए ।
