शुक्रबार, २१ चैत्र, २०८१
शुक्रबार, २१ चैत्र, २०८१
राष्ट्रिय सन्देश संबाददाता, बिहीबार, ११ फाल्गुन, २०७९
भैरहवा। दुई महिनादेखि रोकिएको गौतमबुद्ध विमानस्थलको अन्तर्राष्ट्रिय उडान पुन: सुरु हुने भएको छ । सात महिना कुवेत–भैरहवा अन्तर्राष्ट्रिय उडान गरेको कुवेतको जजिरा एयरलाइन्सले आगामी मार्च ९ गतेदेखि पुनः उडान सुरु गर्ने भएको हो ।
गत पुस ६ गतेबाट गौतमबुद्ध विमानस्थलबाट जजिराले आफ्नो उडान रोकेको गत जेठ २ गते विमानस्थल उदघाटनकै दिनबाट जजिराले भैरहवास्थित गौतमबुद्ध अन्तर्राष्ट्रिय विमानस्थलबाट उडान भर्न सुरु गरेपनि सात महिनापछि बन्द गरेको थियो ।
जजिराले उडान रोकेपछि भैरहवामा रहेका निजी क्षेत्रका संघसंस्था, पर्यटन व्यवसायी लगायतले पुनः उडान सुरु गर्न भन्दै पहल थालेका थिए । यस विषयमा सिद्धार्थ उद्योग वाणिज्य संघ रुपन्देही र जजिरा एयरलाइन्सका प्रतिनिधिबीच भैरहवामा छलफल गरेका थिए। यस्तै, नेपाल ट्राभल्स टुर्स संघ लुम्बिनी प्रदेश (नाट्टा) ले पनि पहल थालेको थियो ।
जजिरा एयरलाइन्सको नेपालस्थित कमर्शियल व्यवस्थापक अमित नागरथले आगामी मार्च ९ तारिखदेखि पुनः उडान सञ्चालन गर्ने जानकारी दिएको छलफलमा सहभागी संघका अध्यक्ष न्यौपानेले बताए ।
