शुक्रबार, २६ पुष, २०८१
शुक्रबार, २६ पुष, २०८१
राष्ट्रिय सन्देश संबाददाता, बुधबार, १७ जेष्ठ, २०८०
बुटवल। राष्ट्रपतिले बिवादास्पद नागरिकता बिद्येयक प्रमाणित गरेर मुलुकलाई सिक्कीमीकरणको बाटोमा लगेको भन्दै एमाले निकट बिद्यार्थी संगठन अनेरास्ववियुले प्रधानमन्त्री पुष्पकमल दाहाल प्रचण्ड र राष्ट्रपति रामचन्द्र पौडेलको पुत्ला दहन गरेका छन्। बुटवलमा उनीहरुले बुधबार सांझ प्रधानमन्त्री र राष्ट्रपतिको पुत्लादहन गरेका हुन्।
प्रधानमन्त्रीको दवावमा बिवादास्पद नागरिकता बिद्येयक प्रमाणिकरण गरेको विरोधमा पुत्ला दहन गरेको अनेरास्ववियु रूपन्देहीले जनाएको छ।
बुटवल बहुमुखी क्याम्पसबाट प्रधानमन्त्री र राष्ट्रपतिको पुत्ला सहित निस्केको बिद्यार्थीहरुको जुलुसलाई लक्ष्मिनगर विरोध गर्दै जाँदै गर्दा प्रवेशद्धारमा प्रहरीले रोकेको थियो।
प्रहरीले जुलुसलाई रोकेपछि बिद्यार्थी र प्रहरीका बिच केही बेर धकेलाधकेल र पुत्ला खोसाखोस भएको थियो।
