राष्ट्रिय सन्देश संबाददाता, सोमबार, ४ असार, २०८१
नेपालगञ्ज (बाँके) पवन जायसवाल । नेपाल रेडक्रस सोसाइटी बाँके शाखाको ५७ औं स्थापना दिवसका अवसरमा बृक्षारोपण गर्नुका साथै केक काटेर अषाढ ३ गते सोमवार स्थापना दिवस मनाइएको छ ।
नेपाल रेडक्रस सोसाइटी बाँके शाखाको बि.सं.२०२४ अषाढ ३ गते शाखा स्थापना भएको थियो । त्यो समयमा अञ्चल कार्यालय रहेको थियो भने २०२६ सालमा जिल्ला शाखा भएको हो । दिवसका अवसरमा हरित अभियान्त हेमन्तराज काफलेले शितलचिनी (मोरिङ्ग) बृक्षारोपण गर्नका लागी उपलब्ध गराउनु भएको शितलचिनीको विरुवा नेपाल रेडक्रस सोसाइटी बाँके शाखाको परिसरमा शाखाका पदाधिकारी तथा सदस्यहरुले संयुक्त रुपमा बृक्षारोपण गर्नु भएको थियो ।
नेपाल रेडक्रस सोसाइटी बाँके शाखाका सभापति गोवर्धन सिंह सम्झनाले संस्थापकहरुलाई स्मरण गर्दै ५७ औं स्थापना दिवसले मानवीय सेवा अझै व्यापक हुने र सबै सरोकारवालाको सहयोग रही रहने विश्वास व्यक्त गर्नु भयो ।
कार्यक्रममा जिल्ला शाखाकी उप–सभापतिद्वय सुश्री शान्ति श्रेष्ठ, सुरेन्द्रनाथ सापकोटा, कोषाध्यक्ष राकेश कुमार श्रीवास्तव, उपमन्त्री तेज बहादुर सुवेदी, उप–कोषाध्यक्ष दुखीराम लोनिया, जिल्ला सदस्य खगेश्वरी भण्डारी, सीता शर्मा पोखरेल, राजकुमार वर्मा, सनतकुमार रेग्मी, यम नारायण महतो मीन बहादुर मल्ल, गुलाब सिंह ठाकुर, उपशाखा बाँके बगियाका सभापति बिष्णु प्रसाद सुवेदी, कचनापुर उपशाखा यम बहादुर रावत, धन सिंह ओली, रक्तदान अभियन्ता पवन जायसवाल, निरञ्जना मल्ल, प्रादेशिक रक्त सञ्चार केन्द्रका प्रमुख उपेन्द्र रेग्मी, सोम प्रकाश सापकोटा, होमराज गिरी, झविलाल शर्मा, रुपन ज्ञवाली, सुवाष निरौला, हरित अभियन्ता हेमन्तराज काफले, प्रहलाद विश्वकर्मा, रबिन्द्र कुमार मिश्र, पूनम थापा, बीरेन्द्र योगी, शिवराज जोशी, प्रभुदयाल गोडिया लगायतको सहभागिता रहेको थियो ।