मंगलवार, १२ कार्तिक, २०८२
मंगलवार, १२ कार्तिक, २०८२
राष्ट्रिय सन्देश संबाददाता, शुक्रबार, १५ बैशाख, २०८०
गुल्मी। शुक्रबार बिहान नेपाल वायुसेवा निगमको ट्विनअटर विमानले गुल्मीको रेसुंगा विमानस्थलमा सफलतापूर्वक परीक्षण उडान गरेको छ । विमानबाट काठमाडौंबाट गुल्मीको रेसुङ्गा विमानस्थलको दुरी ५० मिनेट मात्र रहेको बताइएको छ । निगमले अब परीक्षण उडानको प्रतिवेदन प्राप्त गरेपछि नियमित उडान प्रक्रिया अगाडि बढाउने छ ।
गुल्मीको रेसुङ्गा नगरपालिका वडा नम्बर १० को सिमिचौरमा रहेको रेसुङ्गा विमानस्थल जिल्ला सदरमुकाम तम्घासबाट ५ किलोमिटर कच्ची बाटोमा पुगेपछि पुग्न सकिन्छ । रेसुङ्गा विमानस्थलबाट काठमाडौंको उडानका लागि प्रतिव्यक्ति ६ हजार ५ सय नेपाली रुपैयाँ लाग्ने अनुमान गरिएको छ । माघ २४ गते तारा एयरको १८ सिटको विमानले पनि विमानस्थलमा सफल उडान भरेको थियो ।
रेसुङ्गा विमानस्थलको धावनमार्ग ५२० मिटर लामो र २० मिटर चौडा छ भने १५६ रोपनीबाट अधिग्रहण गरेको ७९ रोपनी जग्गामा फैलिएको विमानस्थल छ । विमानस्थल निर्माणमा अहिलेसम्म ३५ करोड नेपाली रुपैयाँ खर्च भइसकेको छ ।
