मंगलवार, २८ आश्विन, २०८२
मंगलवार, २८ आश्विन, २०८२
राष्ट्रिय सन्देश संबाददाता, बिहीबार, ३० श्रावण, २०८२
२०८२ साउन २९, पाल्पा । पाल्पाको तानसेनमा हुने २०६औं रण उजेसश्वरि भगवती रथ यात्रामा उपप्रधानमंत्री विष्णु प्रसाद पौडेल अाउने भएका छन् । भाद्र १ गते २०६औं रणउजीरेश्वरी भगवतीको रथ यात्रामा आउने सांसद ठाकुर गैरे जानकारी दिएका छन् ।
.png)
त्यस्तै सांसद गैरेले पर्यटन मन्त्री, लुम्बिनी प्रदेश सरकारका मुख्यमन्त्री,नेपाली सेनाका प्रधानसेनापती लगायत उच्च पदस्थ ब्यक्तित्वहरुको सहभागिता हुने निश्चित भएको बताए । भाद्र १ गते २०६औं रणउजीरेश्वरी भगवतीको रथ यात्रा पाल्पाको तानसेनमा निकालिदै छ ।गोरखालीले अङ्ग्रेजलाई युद्धमा हराएको सम्झनामा वीरताको प्रतिकको रुपमा सिन्दुर जात्रा गरी बजारमा जय जयकारको गुञ्जनसहित भगवतीको रथयात्रा निकालिदै आएको छ ।
कृष्णजन्माष्टमीको भोलि पल्ट दिन धुमधामका साथ बिजय उत्सव स्वरुप रणउजीरेश्वरी भगवतीको रथजात्रा नेपालले अंग्रेजलाई युद्धमा पराजित गरी बिजय हासिल गरेको खुसीयालीमा निकाल्ने प्रचलन रहँदै आएको छ ।
विश्वको भु–भागलाई आफ्नो मुठ्ठीमा कब्जा गरेको ब्रिटिश सम्राज्यबादलाई समेत नेपालले पराजित गरेको सम्झनामा पनि रथयात्रा निकालने प्रचलन रहिआएको छ । नेपाल एकीकरणको समयमा युद्धमा विजयी भए मन्दिर बनाएर सिन्दूरजात्रा गर्ने भाकल कर्णेल उजीरसिंह थापाले गरेका थिए । सोही भाकल अनुसार जीतगढीको युद्धमा विजयी भएको र जात्रा निकाल्ने प्रचलन सुरु भएको थियो ।
भगवती रथलाई सिन्दूर, अबिर र केशरी सहित अन्य वैदिक पुजापाठ गर्दै शहर परिक्रमा गराइन्छ । जात्रालाई धार्मिक आस्थासँगै वीरताको संदेश दिने राष्ट्रिय पर्वको रुपमा लिँदै आईएको छ ।
