बिहीबार, २० चैत्र, २०८१
बिहीबार, २० चैत्र, २०८१
राष्ट्रिय सन्देश संबाददाता, मंगलवार, ८ श्रावण, २०८१
पाल्पा, साउन ८ । पाल्पाको सिद्धार्थ राजमार्ग अन्तर्गत बुटवल सडक खण्डको हिउँदेखोला क्षेत्रमा सडक बन्द हुने भएको छ । विगत केही दिन देखिको बर्षाको कारण सिद्धार्थ राजमार्ग अन्तर्गत तिनाउँ गाउँपालिका वडा नं. ३ स्थित हिउँदे खोला सडक खण्डमा बाटो भासिएकाले त्यस क्षेत्रमा मर्मतको लागि बाटो बन्द गरिएको जिल्ला प्रशासन कार्यालयले सूचना जारी गरेर जानकारी दिएको छ ।
सिद्धार्थ राजमार्ग अन्तर्गत बुटवल-पाल्पा खण्ड साउन ९ गतेदेखि बेलुका ७ बजे देखि बिहान ६ बजे सम्म अर्को व्यवस्था नहुँदा सम्म बन्द हुने जिल्ला प्रशासन कार्यालयले जनाएको छ।
हाल सो स्थानमा एकतर्फी रुपमा सवारी साधन सुचारु रहेको, सडक डिभिजन कार्यालयबाट सो को मर्मतको कार्य भैरहेको र सडक अत्यन्तै जोखिमपूर्ण अवस्थामा रहेकाले अत्यावश्यक बाहेक यात्रा नगर्नुहुन एवं अत्यावश्यकीय मालवाहक साधन बाहेक अन्य साधनहरु नचलाउन प्रशासनले अनुरोध गरेको छ ।
अनुसार सडकको तल्लो भाग भासिने र माथिल्लो भागबाट पहिरोको जोखिम रहेकोले रातिको समयमा र दिनमा पानी परेको बेलामा समेत पुर्ण रुपमा सडक बन्द गर्ने निर्णय भएको प्रमुख जिल्ला अधिकारी आनन्द काफ्ले जानकारी दिए।
