मंगलवार, १७ असार, २०८२
मंगलवार, १७ असार, २०८२
राष्ट्रिय सन्देश संबाददाता, बुधबार, १५ जेष्ठ, २०८२
१४ जेठ २०८२, काठमाडौं । उच्च अदालत जनकपुरको वीरगञ्ज इजलासबाट सफाइ पाएका काँग्रेस नेता अफताव आलम रिहा भएका छन् । कारागार कार्यालय नख्खु, ललितपुरमा रहेका उनी उच्च अदालत जनकपुरको अस्थायी इजलास वीरगञ्जको फैसलापछि बुधबार बेलुका रिहा भएका हुन् ।
बम विस्फोट गरी व्यक्ति हत्याको आरोपमा जन्मकैद सजाय पाएका नेपाली कांग्रेसका नेता तथा पूर्वमन्त्री आलमलाई उच्च अदालतको वीरगञ्ज इजलासले सफाइ दिएको हो । अदालतले पत्र पठाएसँगै नख्खु कारागारमा रहेका उनी छुटेका हुन्।
बुधबार उच्च अदालत वीरगञ्जका न्यायाधीशद्वय खुशीप्रसाद थारु र अर्जुन महर्जनको संयुक्त इजलासले रौतहट जिल्ला अदालतको फैसला उल्टाउँदै उनलाई सफाइ दिएको थियो ।
घटनाको १२ वर्षपछि रौतहट प्रहरीले आलमलाई १९ असोज २०७६ मा पक्राउ गरेको थियो ।
