शुक्रबार, २९ श्रावण, २०८३
शुक्रबार, २९ श्रावण, २०८३
राष्ट्रिय सन्देश संबाददाता, १८ घण्टा पहिले
२०८३ साउन २८, रोल्पा । रोल्पाको थबाङ गाउँपालिका –०५ कोटलबारामा अविरल वर्षासँगै आएको पहिरोले पहिरोले घर पुरिँदा २ जनाको मृत्यु भएको छ । घटनामा २ जना घाइते १० जना बेपत्ता भएको प्रहरीले जनाएको छ ।
बुधबार राति करिब ८:४० बजे माथिबाट पहिरो खस्दा स्थानीय कमलबहादुर पुन मगरको घरसहित करिब ६ वटा घर तथा गोठ पुरिएको हो। घटनाको खबर राति ९:३० बजे प्राप्त भएपछि इलाका प्रहरी कार्यालय उवाबाट प्रहरी टोली घटनास्थलमा खटिएको थियो ।
पहिरोमा कमलसहित चौपाया पुरिएको खुलेको थियो । राति ११:५५ बजे स्थानीय समेतको सहयोगमा २२ वर्षीय हिमाल पुन मगर र २५ वर्षीय सञ्जय घर्ती मगरलाई घाइते अवस्थामा उद्दार गरिएको छ । उनीहरूलाई उपचारको लागि अस्पताल पठाउने पहल भइरहेको प्रहरीले जनाएको छ ।
त्यसैगरी, १८ वर्षीया शान्ति पुन मगर र ६० वर्षीय कमलबहादुर पुन मगर पहिरोमा पुरिएको अवस्थामा मृत फेला परेका छन।
